ఓరెయ్ బంగారు,
ఇక్కడ నువ్వు ఉండి ఉంటే అనే ఆలొచనే చాలు నా మనసు శరీరం పులకించిపోవడానికి, నువ్వుంటే ఇలాఉండును నువ్వుంటే ఆలా ఉండును, నువ్వు ఇలా అనేదానివి ఆమాటలు నేను మైమరచివినేవాడిని, ఈ వెన్నల రాత్రీలో నువ్వు నాపక్కన మెరుస్తూ ఉండేదానివి, ఆ మెరుపు కాంతి నా కళ్ళనిండా నిండి కొత్త ప్రపంచన్ని చూస్తూ ఉందును.
నువ్వు నాజీవితంలోకి రాకముందు నా జీవితం ఇలా ఉండేది కాదు తెలుసా? తలదువ్వుకునేటప్పుడు బూట్లు వేసుకొవాలా చెప్పులు వేసుకోవాలా అని ఆలొచించేవాడిని.షర్టు బటన్స్ పెట్టుకునేటఫ్ఫుడు బైకులో పెట్రోల్ ఉందో లేదోనని ఆలోచించేవాడిని. అన్నంలో మజ్జిగ పోసుకునేటప్పుడు ఎక్కడో కర్చిప్ వదిలివేసిన విషయం గుర్తుకువచ్చేవి. కాని ఇప్పుడలా కాదురా... నాన్నా తిడుతున్నా కీరవాణి పాటాలా అనిపిస్తుంది, accounts లో టోటల్ మిస్ అవుతుంటే నీకుపెట్టకుండా వదిలేసిన నా ముద్దులు గుర్తుకొస్తున్నాయి, అద్దం ముందు నిల్చుని తలదువ్వుకుంటుంటే వెనకనుంచి వచ్చి నా క్రాప్ చెరిపినట్టు అనిపిస్తుంది ఎమైందిరా నీకు అని అమ్మ అడిగితే అమ్మా నాకుమెరిసే నక్షత్రం దొరికింది అని అరచి చెప్పాలనిపిస్తుంది.
అమ్మాయిల ప్రపంచం విచిత్రం కదా? మీకు ఏమి కావాలో అనేది తేలుసుకొవడనికే సగం జీవితం గడిచిపోతుంది. అయినా మీకేమి కావాలో అవి అన్నీ కంటిచివర చూపులతోనే చూపించి తప్పకుండా మానుండి చేపించుకుంటారు కదా! ఎంత తెలివైన వారో మీరు! ప్రేమించే అబ్బాయిలు ఎప్పడు డెటాల్ లాంటి సబ్బులు వాడకూడదు ఎమున్నా mysore sandel లాంటి soap బాగుంటుంది అని నీ నుంచి వచ్చిన మాటకు రూమునిండా sandel soaps తో నింపేసాను తెలుసా? ఎదురుగా కూర్చుని బొగ్గు ఇంజన్ రైలులాగా సిగరెట్ కాల్చి పొగవదలడం ఇష్తం లేదన్నావే, ఇకముందు ఒట్టు సిగరెట్ ముట్టను అని చెప్పి అక్కడ ఎక్కడో దొంగచాటుగా సిగరెట్ కాల్చి క్రేన్ ఒక్కపొడి తిని నీకు ముద్దు పెడుతానికి వచ్చి దొరికిపొతాను చూడు! అది ఇష్టం అని చూచించింది నువ్వే.
సాదారణంగా అబ్బాయిలు కలలోకి తన ప్రేయసి రావాలని ఆశించి నిదురపొ్తారు. కలకై ఎదురు చూస్తారు, అయితే నేను అలా కాదురా పిచ్చి, కలలోకి వచ్చిన నువ్వు దారి తెలవక కనీసం అడగకుండా వెళ్ళిపోయావు కదా అని కంగారుగా ఉలిక్కిపడి నిద్రలేస్తాను, ఇక రాత్రంతా నీ అలొచనలతొ నిద్రరాదు రా. నువ్వు కావాలంటే వచ్చి చూడు నా కళ్ళనిండా నీరిక్షణా దీపాలు ఎంత ఆశతో వెలుగుతున్నాయొ.
నాకలలకేంటిలే గాని రెండు శతాబ్దాలు telicast చేసినా ముగింపు లేని డైలి సిరియల్ లా వేల ఎపిసోడులు లెక్కల్లొ తయారై కుర్చున్నాయి.
ఆ మన సంతోషాలు ఆనందాలు నీ చిరునవ్వులు నీ చిరుకోపాలు లాలింపులు ఎక్కడికి పొయాయిరా ఈ రోజు. మళ్ళీఆ రోజులన్తు తిరిగి తీసుకువస్తావు కదూ!
ఎప్పటికి నీవాడు.
18 Comments